ဝိပဿနာလုပ်ငန်းနှင့် စပ်ပြီး ဟောပြောရေးသားချက် တွေထဲမှာ တချို့ ဟောပြောရေးသားချက် တွေဟာ အမှန်အဖြစ်လက်ခံရဖို့ ခက်ပါတယ်။ ဒါပေမဲ့ အဲဒါတွေကို လက်ခံနေ ကျေနပ်နေကြသူတွေကိုလည်း တွေ့မြင်ကြားသိနေရပါတယ်။ ပိဋကတ်စာပေ အထောက်အထားနဲ့အညီ အမှန်ကို ညွှန်ပြထားတဲ့ ညွှန်ပြချက်တွေကို သိလိုပါတယ်။ မဟာစည်ဆရာတော်ကြီးကို ပရိယတ်၊ ပဋိပတ် စွယ်စုံပညာရှင်ကြီးအဖြစ် ထိပ်တန်းပိဋကတ် ပညာရှင်တွေက လက်ခံထားကြပါတယ်။ ဒါကြောင့် မဟာစည်ဆရာတော်ကြီးရဲ့ ဟောပြောရေးသားချက်တွေကို ဖတ်ရှုလေ့လာကြည့်ပါတယ်။ အဲဒီအခါ ယခုခေတ်မှာ ကြားသိနေရတဲ့ ၀ိပဿနာနဲ့ စပ်တဲ့ အဖုအထစ်တွေကို မဟာစည်ဆရာတော်ကြီး ရှင်းပြထားတာကို တွေ့ရပါတယ်။ မဟာစည်ဆရာတော်ကြီး ဟောကြားရေးသားတဲ့ စာအုပ်တွေဟာ အများကြီးပဲ ရှိပါတယ်။ အဲဒီစာအုပ်တွေထဲက ပဋိစ္စသမုပ္ပါဒ်တရားတော်ကြီး၊ သီလ၀န္တသုတ်တရားတော်၊ ဘာရသုတ္တန်တရားတော်၊ တုဝဋကသုတ်တရားတော်၊ဓမ္မစကြာတရားတော်ကြီး၊ သလ္လေခသုတ်တရားတော်ကြီး၊ ရှစ်ဖြာမဂ္ဂင်နိဗ္ဗာန်ဝင် တရားတော်၊ အရိယာဝါသတရားတော်၊ ၀ိပဿနာရှုနည်းကျမ်း၊ အနတ္တလက္ခဏသုတ် တရားတော်၊ သတိပဋ္ဌာန်သုတ်နိသျှ၊ ၀မ္မိကသုတ် တရားတော်၊ ၀ိပဿနာအခြေခံ တရားတော်၊ စာအုပ်တွေထဲမှာ ယခုခေတ် ၀ိပဿနာ အဖုအထစ်တွေနဲ့ ပတ်သက်တဲ့ ဖြေရှင်းပြထားတာတွေကို ဖတ်ရှုရပါတယ်။ အားရကျေနပ်ဖွယ်ကောင်းလှပါတယ်။ မဟာစည်ဆရာတော်ကြီးရဲ့ ရဲရင့်မှု၊ တိကျမှု၊ ပြတ်သားမှု၊ အသိအမြင်စူးရှမှု၊ ထက်မြက်မှုတွေကို ကြည်ညိုရပါတယ်။ မဟာစည်ဆရာတော်ကြီးရဲ့ ဖြေရှင်းပြထားတာတွေဟာ အင်မတန်မှ မှတ်သားစရာကောင်းလှတာမို့ စာရေးသူက စုစည်းကာ မေးခွန်းတွေ ပြုလုပ်ပြီး ယနေ့ခေတ် ၀ိပဿနာရှုနည်းများ ဆိုတဲ့ နာမည်နဲ့ စာအုပ်ထုတ်လိုက်ပါတယ်။

သာမဏေကျော်
ကဆုန်လပြည့်ကျော် ၉ ရက်။ ၂၆၊ ၅၊ ၂၀၀၀။

၁။ မေး။ ။အဘိဓမ္မာသဘော၊ ပဋိစ္စသမုပ္ပါဒ်သဘောအကျယ်တွေကို မသိဘဲ တရားအားထုတ်လို့ ရနိုင်ပါသလား။

ဖြေ။ ။ စူဠတဏှာသင်္ခယသုတ်ကို ထောက်ဆသောအားဖြင့် အဘိဓမ္မာကျမ်းဂန်သဘောတွေကို အကျယ်အားဖြင့် မသင်ကြားဖူးသော်လည်း ရုပ်နာမ်မျှ၊ အနိစ္စ ဒုက္ခ အနတ္တသဘောတရားမျှပဲလို့ ဒါလောက် ကြားဖူးနာဖူးရင်လည်း တရားအားထုတ်နိုင်တယ်ဆိုတာ ထင်ရှားပါတယ်။ နောက်ပြီးတော့ ပဋိစ္စသမုပ္ပါဒ်ဆိုရာမှာလည်း အကြောင်းနဲ့အကျိုးမျှ ရှိတယ်။ ပုဂ္ဂိုလ်သတ္တ၀ါရယ်လို့ စင်စစ်အားဖြင့် မရှိဘူးလို့ ဒီလောက်သိထားဖို့ လိုပါတယ်။ ဒေသနာတော်အရ အင်္ဂါ၁၂ပါး၊ အခြင်းအရာ ၂၀ တို့ဆိုတဲ့ အကျယ်ဝိတ္တာရတွေကို အပြည့်အစုံသိထားဖို့ကတော့ ပုဂ္ဂိုလ်တိုင်းမှာ မလိုပါဘူး။ အကယ်၍ ပုဂ္ဂိုလ်တိုင်းမှာ အဲဒီလို အကျယ်အားဖြင့် သိပြီးမှ တရားအားထုတ်ရမယ်ဆိုရင် အရှင်စူဠပန်လို ပုဂ္ဂိုလ်မှာ အားထုတ်နိုင်ဖို့ အခွင့်အရေးမရှိတော့ဘူး။ အရှင်စူဠပန်ဟာ အက္ခရာ ၄၄ လုံးသာရှိတဲ့ ၁၁ လုံးဘွဲ့ဂါထာကို ၄ လတ်ပတ်လုံးကျက်တာတောင် မရဘူးတဲ့။ ဒီတော့ ပဋိစ္စသမုပ္ပါဒ်အကျယ်၊ အဘိဓမ္မသဘောအကျယ် တွေကို လေ့လာကျက်မှတ်ဖို့ဆိုတာ ဘယ်ဖြစ်နိုင်တော့မလဲ။ ဒါပေမဲ့ မြတ်စွာဘုရား ညွှန်ကြားတဲ့အတိုင်း အ၀တ်ပိုင်းကလေးကို ဆုပ်နယ်ရင်း "ရဇော ဟရဏံရဇောဟရဏံ" လို့ ဆိုပြီး နှလုံးသွင်းတာနဲ့ တစ်နံနက်ခင်းအတွင်းမှာပဲ ရဟန္တာ ဖြစ်တော်မူတယ်။ နောက်ပြီးတော့ မာတိက မာတာဆိုတဲ့ ဒါယိကာမကြီးဟာလည်း ရဟန်းတရားကို အားထုတ်တယ်ဆိုတာ ဘယ်လိုဟာလဲလို့တောင် မသိခဲ့ဘူး။ ဒါပေမဲ့ ရဟန်းတော်များထံမှ နည်းယူပြီး အိမ်မှာနေရင်း အားထုတ်လိုက်တာ အဲဒီကမ္မဋ္ဌာန်းပေးတဲ့ ရဟန်းတွေထက်တောင် အလျင်ကျပြီး အနာဂါမ် ဖြစ်သွားပါသေးတယ်။ အဲဒီမာတိကမာတာ ဒါယိကာမကြီးလည်း အဘိဓမ္မာသဘော၊ ပဋိစ္စသမုပ္ပါဒ်သဘောအကျယ်တွေ လေ့လာသင်ကြားနိုင်ခွင့်မရှိကြောင်း ထင်ရှားပါတယ်။ ဒိပြင်လည်း အလားတူ သာဓကတွေ များစွာရှိပါတယ်။ ဒါကြောင့် တတ်သိလိမ္မာတဲ့ ဆရာသမားထံမှ နည်းယူပြီး အားထုတ်ရင် အဘိဓမ္မသဘော၊ ပဋိစ္စသမုပ္ပါဒ်သဘော အကျယ်တွေ လေ့လာ ကျက်မှတ်မထားပေမယ့် ဖြစ်ခိုက်ရုပ်နာမ် ကို ရှုမှတ်နေရင်း ကိုယ်တိုင် တွေ့မြင်သိမြင်ခြင်းဖြင့်ပင် ကိစ္စပြီးတယ်လို့ မြဲမြံစွာ မှတ်ထားကြရပါမယ်။ (ပဋိစ္စသမုပ္ပါဒ်တရားတော်ကြီး)


၂။ ။ မေး။ ။ အကြောင်းကို မသိမ်းဆည်းဘဲ မရှုဘဲ အနိစ္စ၊ ဒုက္ခ၊ အနတ္တလို့ ခုန်ကျော်ရှုတဲ့ အရှင်ဆန္နရဲ့ ၀ိပဿနာဟာ ဘယ်လိုဝိပဿနာလဲ။

ဖြေ။ ။ ယခုလို သုတနှင့် ပြည့်စုံပုံကို အကျယ် ဖွင့်ပြ ပြောပြနေရတာက တခြားအကြောင့် မဟုတ်ဘူး။ ပဋိစ္စသမုပ္ပါဒ်ကို လက်ကိုင်ပြုပြီးတော့ သူတို့ဟောထားတဲ့အတိုင်း ပဋိစ္စသမုပ္ပါဒ်ကို နားမလည်ရင် ၀ိပဿနာတရားကို အားမထုတ်ကောင်း သယောင်ယောင်နဲ့ တရားအားထုတ်တဲ့ သူများအား စိတ်ဓာတ်ပျက်ပြားအောင် ဟောနေကြတဲ့ ပဋိပတ္တိသာသနာဖျက် ပုဂ္ဂိုလ်တစ်ချို့က ရှိနေလို့ သာသနာ့ဘေးရန်ကို ကာကွယ်တဲ့ အနေနဲ့ ယခုလို အကျယ်ပြောနေရခြင်း ဖြစ်ပါတယ်။ သူတို့ လက်ကိုင်ပြုပြီး ဟောနေတဲ့ တရားကတော့ ခန္ဓ၀ဂ္ဂ သံယုတ်ပါဠိတော်က ဆန္နသုတ်ပါပဲ။ အဲဒီသုတ်မှာ ပြထားပုံ အကျဉ်းချုပ်ကတော့အ ရှင်ဆန္နဟာ ဘုရားပရိနိဗ္ဗာန် စံတော်မူပြီးတဲ့နောက် ဗြဟ္မဒဏ်အပေးခံရ၍ သံဝေဂ ဖြစ်ပြီးတော့ အခြားရဟန်းတော်များထံမှာ ညွှန်ကြားချက်ကို ခံယူပြီးတော့ ရုပ်မမြဲ၊ ဝေဒနာ၊သညာ၊ သင်္ခါရ၊ ၀ိဥာဏ်မမြဲ၊ အနတ္တ အတ္တမဟုတ်၊ သင်္ခါရတရား အားလုံးတို့ မမြဲကြ၊ သဘောတရားအားလုံးတို့ အတ္တမဟုတ်ကြလို့ နှလုံးသွင်းဆင်ခြင်ကြည့်ပါသတဲ့။

အဲဒီလို နှလုံးသွင်းဆင်ခြင်ကြည့်တဲ့အခါ သူ့မှာ မူလကပင် အတ္တစွဲက အားကြီးနေတဲ့ အတွက် ရုပ်ဝေဒနာ သညာ၊ သင်္ခါရ၊ ၀ိဥာဏ်ဆိုတဲ့ သဘောတရားအားလုံးပင် အတ္တမဟုတ်ဆိုတာကို မသက်ဝင်နိုင်ဘဲ ရှိနေပါသတဲ့။ အတ္တပျောက်သွားမှာကို စိုးရိမ်တဲ့ ဘယပရိတဿနာနဲ့ အတ္တမရှိရင် အနတ္တ၊ ရုပ်နာမ်တွေက ပြုလုပ်တဲ့ ကံဟာ ဘယ်အတ္တမှာ ကောင်းကျိုးဆိုးကျိုးပေးနိုင်မှာလဲ လို့ ယူဆစွဲလမ်းတဲ့ ဒိဋ္ဌိဥပါဒန်လည်း သူ့မှာ ဖြစ်နေပါသတဲ့။ ဒီလိုဆိုရင် ငါ၏ အတ္တက ဘယ်မှာလဲလို့ သူ့စိတ်က အတ္တစွဲဆီ ပြန်ဆုတ်လာပါသတဲ့။

ဒီလိုဖြစ်ရခြင်း၏ အကြောင်းကို အဋ္ဌကထာမှာ ဒီလိုပြထားပါတယ်။ အယံထေေ၇ာ၊ ဤဆန္နမထေရ်သည်၊ ပစ္စယေ အပရိဂ္ဂဟေတွာ၊ အကြောင်းတရားတို့ကို မသိမ်းဆည်း၊ မရှုမူ၍။ ၀ိပဿနံ ပဋ္ဌသေ တိရ၊ ၀ိပဿနာရှုခြင်းကို ဖြစ်စေသတဲ့။

(ဒီစကားဖြင့် တကယ်ဖြစ်ပေါ်တဲ့ ရုပ်နာမ် မရှုဘဲ ဆင်ခြင်ရုံမျှဖြင့် ရှုကြောင်း သိရ၏။ အဘယ်ကြောင့်လဲ ဆိုရင် မြင်ဆဲကြားဆဲ စသည်၌ တကယ်ဖြစ်ပေါ်နေတဲ့ ရုပ်နာမ်ကို ရှုပါမူ သမာဓိအားရှိသောအခါ ရှေးဦးစွာ ရုပ်နှင့်နာမ်ကို ခွဲခြား၍ သိရသည်။ ထို့နောက် အကြောင်းနှင့် အကျိုးကို သိမ်းဆည်းရသည်။ ထို့နောင်မှ အသစ်အသစ်ဖြစ်ဖြစ်ပြီး ပျောက်ပျောက်သွားတာကို တွေ့ရသဖြင့် အနိစ္စ၊ ဒုက္ခ၊ အနတ္တ၊ ဟုရှုသိသော ၀ိပဿနာဥာဏ်အစစ်ဖြစ်မြဲပင် ဖြစ်သည်။ အကြောင်းကို တွေ့သိတဲ့ ပစ္စယ ပရိဂ္ဂဟ ဥာဏ်အ စစ်ဖြစ်မြဲပင် ဖြစ်သည်။ အကြောင်းကို တွေ့သိတဲ့ ပစ္စယပရိဂ္ဂဟဥာဏ်မဖြစ်ဘဲ အဖြစ်အပျက် အနိစ္စလက္ခဏာ စသည်ကို မသိနိုင်သည်သာ။ သို့ဖြစ်ပါလျက် အကြောင်းကို မသိမ်းဆည်းဘဲ အနိစ္စ၊ ဒုက္ခ၊ အနတ္တဟု ရှုသော ၀ိပဿနာကို ဖြစ်စေသည်ဟု ဆိုသည်မှာ ဆင်ခြင်ရုံမျှဖြင့် သိသော ၀ိပဿနာအတုမျှသာ ဖြစ်ကြောင်းထင်ရှား၏။)

အဿ၊ ထိုအရှင် ဆန္န၏။ သာ ဒုဗ္ဗလ၀ိပဿနာ၊ ထိုအားနည်းသော ၀ိပဿနာသည်။ အတ္တဂါဟံ ပရိဟာဒါပေတုံ အသတ္တုဏန္တီ၊ အတ္တစွဲကို ကုန်စေရန် မစွမ်းနိုင်သည် ဖြစ်၍ သင်္ခါရေသု သုညတော ဥပဋ္ဌဟန္တေသု၊ သင်္ခါရတို့သည် အတ္တမှ ဆိတ်သောအားဖြင့် ထင်ကုန်လတ်သော်။ ဥစ္ဆိဇ္ဇိဿာမိ ၀ိနိဿိဿာမီတိ၊ ပြတ်သွားတော့မည်၊ ပျက်သွားတော့မည်ဟု။ ဥစ္ဆေဒဒိဋ္ဌိယာစေ၀၊ ဥစ္ဆေဒဒိဋ္ဌိ၏ လည်းကောင်း၊ ပရိတဿနာယ စ၊ အတ္တပျက်သွားမည်ကို စိုးရိမ်ပူပန်ခြင်း၏ လည်းကောင်း၊ ပစ္စယော ဟောတိ၊ အကြောင်း ဖြစ်လေသည်တဲ့။


အဲဒီအဋ္ဌကထာ စကားထဲမှာ ဒုဗ္ဗလ ၀ိပဿနာ ဆိုတဲ့ စကားဖြင့်လည်း တကယ်ဖြစ်ပျက်နေတဲ့ ရုပ်နာမ်ကို ရှုပြီး အမှန်သိတဲ့ ၀ိပဿနာ အစစ်မဟုတ်၊ ၀ိပဿနာအတုမျှသာ ဖြစ်ကြောင်း သိရပါတယ်။ ဘယ်ဟာလဲ ဆိုရင် ဒီခန္ဓ၀ဂ္ဂ အဋ္ဌကထာ ( ၂၅၄) မှာပင် ပြထားတဲ့ ပုဏ္ဏား တစ်ယောက်၏ ၀ိပဿနာ အတုမျိုးပါပဲ။ အဲဒီမှာ ပြထားပုံကတော့

နေစဿံ နော စ မေ သိယာတိ ပ၀တ္တော၊ ငါမရှိငြားအံ့၊ ငါ့ဥစ္စာလည်း မရှိရာဟု ဆင်ခြင်လျက် ဖြစ်သော။ ယာ ဧသာ ဒုဗ္ဗလ၀ိပဿနာ၊ အကြင်အားနည်းသော ၀ိပဿနာသည် ရှိ၏။ သာ၊ ထိုအားနည်းသော ၀ိပဿနာသည်။ ယသ္မာ အတ္တသိနေဟံ ပရိယာဒါတုံ နသက္ကောတိ။ တသ္မာ၊ အတ္တတဏှာကို ကုန်စေရန် မစွမ်းသောကြောင့်၊ အဿုတ၀တော ပုထုဗ္ဗနဿ၊ အကြားအမြင်မရှိသော ပုထုဇဉ်၏။ တာသော နာမ၊ ပူပန်ခြင်းမည်သည်။ ဟောတိ၊ ဖြစ်၏။ ဟိ၊ မှန်၏။ သော၊ ထိုသို့သော ပုထုဇဉ်သည်၊ အဟံ၊ ငါသည်။ ဣဒါနိ၊ ယခုအခါ၌၊ ဥစ္ဆိဇ္ဇဿာမိ၊ ယခုအခါ တစ်စုံတစ်ရာမျှ မဖြစ်ရတော့အံ့ဟူ၍။ အတ္တာနံ၊ မိမိကိုယ်ကို၊ ပပါတေ ပတန္တံ ၀ိယ ပဿတိ၊ ချောက်ကမ်းပါးသို့ ကျသွားသကဲ့သို့ ထင်မြင်တတ်၏။ အညတရော ဗြဟ္မဏောဝိယ၊ ပုဏ္ဏားတစ်ယောက် ကဲ့သို့ပင်တည်း။ လောဟပါသာ ဒဿဟေဋ္ဌာ၊ ကြေးပြသာဒ် ကျောင်းတော်အောက်ထပ်၌၊ တိပိဋကစူဠနာဂတ္ထေရော၊ တိပိဋက စူဠနာဂ မထေရ်သည်။ တိလက္ခဏာဟတံ၊ အနိစ္စ၊ ဒုက္ခ၊ အနတ္တ၊ လက္ခဏာသုံးပါးထိစပ်ပါဝင်သော၊ ဓမ္မံ၊ တရားကို၊ ပရိဝတ္တေတိ ကိရ၊ ပြန်ဆိုရွတ်ဖတ်နေပါသတဲ့။ အထ၊ ထိုသို ပြန်ဆိုရွတ်ဖတ်နေစဉ် အခါ၌။ ဧကမန္တေ ဌတွာ ဓမ္မံ သုဏန္တဿ၊ တစ်နေရာ၌ တည်၍ တရားကို နာနေသော အညတရဿ ဗြဟ္မဏဿ၊ တစ်ဦးသော ပုဏ္ဏား အား။ သင်္ခါရာ၊ ရုပ်နာမ် သင်္ခါရတို့သည်၊ သုညတော ၊အတ္တမှ ဆိတ်သောအားဖြင့်၊ ဥပဋ္ဌဟိံသု၊ ထင်ပေါ်ကြပါသတဲ့။ သော၊ ထိုပုဏ္ဏားသည်။ ပပါတေ၊ ကမ်းပါးပြတ်၌။ ပတန္တော ၀ိယ ဟူတွာ၊ ကျသွားသလို ဖြစ်သောကြောင့်။ ၀ိဝဋဒွါရေန၊ ပွင့်နေသော တံခါးဖြင့်။ တတောပလာယိတွာ၊ ထိုကြေးပြသာဒ်မှ ပြေးသွားခဲ့၍၊ ဂေဟံပ၀ိသိတွာ၊ သူ့အိမ်သို့ ၀င်ပြီးလျှင်။ ပုတ္တံ ဥရေ သယာပေတွာ၊ သူ့သားကို ရင်ခွင်၌ အိပ်စေ၍ "တာတ၊ ချစ်သား။ သကျသမယံ အာဝဇ္ဇန္တော၊ သာကီဝင်ဘုရား၏ အယူကို ဆင်ခြင်မိသောငါသည်။ ၀ါ၊ ဆင်ခြင်မိသောကြောင့်၊ မနမှိနဋ္ဌော၊ ပျက်စီးလုမတတ်ဖြစ်သွားသည်"။ ဣတိ အာဟ၊ ဤသို့ ပြောဆိုပါသတဲ့။ ရွတ်ဖတ်နေသော တရားသံကို နားထောင်ရင်း ဆင်ခြင်ပြီးဖြစ်တဲ့ ပုဏ္ဏား၏ ၀ိပဿနာဟာ ၀ိပဿနာအစစ်မဟုတ်၊ အတုမျှသာဖြစ်ကြောင်း ထင်ရှားပါတယ်။ ဒီလိုဝိပဿနာအတုကို အဋ္ဌကထာမှာ ဒုဗ္ဗလ၀ိပဿနာလို့ ဆိုတာပါပဲ။

နာမရူပပရိစ္ဆေဒဥာဏ်၊ ပစ္စယ ပရိဂ္ဂဟဥာဏ်စသည် ဖြစ်ရိုးဖြစ်စဉ်ဖြစ်သော ၀ိပဿနာအစစ်ကိုတော့ အားမကောင်းသေးရင် တရုဏ၊ နုသော ၀ိပဿနာလို့သာ ဆိုပါတယ်။ ဒါကြောင့် ပစ္စယပရိဂ္ဂဟ ဥာဏ်မပါဘဲ ခုန်ကျော်ရှုတဲ့ အရှင်ဆန္န၏ ၀ိပဿနာအတုကို အကြောင်းပြုပြီးတော့ မြင်ဆဲ ကြားဆဲ စသည်မှာ တကယ်ဖြစ်ပျက်တဲ့ ရုပ်နာမ်တွေကို သဘာဝ လက္ခဏာမှစ၍ အစဉ်အတိုင်း မှန်ကန်စွာရှုမိနေကြတဲ့ယောဂီတွေရဲ့ ၀ိပဿနာအစစ်ကိုတော့ ပဋိစ္စသမုပ္ပါဒ် မသိနားမလည်ဘဲနဲ့ မရှုကောင်းဘူး စသည်ဖြင့် မပိတ်ပင် မတားမြစ်ကောင်းဘူး။ ပိတ်ပင်တားမြစ်ရင် ပဋိပတ္တိသာသနာတော်ကို ပိတ်ပင်ဖျက်ဆိးရာရောက်တယ် ဆိုတာကို နားလည်ထားကြရမယ်။

ဘာကြောင့်လဲ ဆိုရင် ဖြစ်ခိုက်ရုပ်နာမ်ကို ရှုနေတဲ့ ယောဂီများမှာ သမာဓိဥာဏ်အား ရှိလာတဲ့ အခါ ရုပ်နဲ့ နာမ်ကို ရှေးဦးစွာ ခွဲခြားပြီး သိတယ်။ အဲဒီကနောက် မျက်စိနဲ့ အဆင်းရှိလို့ မြင်တယ်။ နားနဲ့ အသံရှိလို့ ကြားတယ်။ သွားချင်တဲ့ စိတ်ရှိလို့ သွားတယ်။ မရှုမိတဲ့ အာရုံမှာ အမှန်အတိုင်းမသိလို့ သာယာတပ်မက်တယ်။ တပ်မက်လို့ စွဲလန်းတယ်။ စွဲလန်းလို့ မိမိအလိုအတိုင်းပြည့်စုံအောင် ပြုလုပ်အားထုတ်တယ်။ ကံကောင်းလို့ ကောင်းတာကိုခံစားရတယ်။ စသည်ဖြင့် အကြောင်းကို သိမ်းဆည်းတဲ့ အသိဥာဏ်ဟာ သူ့အလိုလို ဖြစ်တော့တာပဲ။ အဲဒီလိုအကြောင်းကို သိပြီးတော့မှ အဖြစ်အပျက်များ ထင်ရှားပြီး အနိစ္စ၊ ဒုက္ခ၊ အနတ္တ အသိဥာဏ်တွေ ဖြစ်ပါတယ်။ အကြောင်း မသိဘဲနဲ့ ခုန်ကျော်ပြီး အနိစ္စအသိဥာဏ်စသည် ဖြစ်ရိုးမရှိပါဘူး။

ဒါကြောင့် စောစောပိုင်းက ပဋိစ္စသမုပ္ပါဒ်ကို အကျယ်လေ့လာ မထားပေမယ့် အရှင်ဆန္နလို အရှုပ်အထွေးဖြစ်စရာကတော့ မရှိပါဘူး။ နောက်ပြီးတော့ အရှင်ဆန္နဟာလည်း အရှင်အာနန္ဒာ ဟောကြားတဲ့ ပဋိစ္စသမုပ္ပါဒ်တရားကို နာရတော့ ချက်ချင်းပင် အရှုပ်အထွေးကင်းပျောက်ပြီး ၀ိပဿနာလမ်းမှန်ဖြင့် အရဟတ္တဖိုလ်ပေါက်ဆိုက်ရောက်သွားပါတယ်။ ဒါကြောင့် ဆရာသမားထံမှာ အားထုတ်နေတဲ့ ယောဂီဟာ စောစောပိုင်းက သုတလိုနေရင်တောင်မှ တရားအားထုတ်ခါနီးမှာ ကမ္မဋ္ဌာန်းဆရာ ဟောကြားတာကို နာရပြီးတော့ သုတပြည့်စုံသွားနိုင်ပါတယ်။ တရားအားထုတ်နေဆဲမှာ အရှုပ်အထွေးပေါ်လာရင်လည်း ကမ္မဋ္ဌာန်းဆရာက ဟောပြောပြုပြင်ပေးတဲ့အတွက် အစစအရာရာ အဆင်ပြေသွားနိုင်ပါတယ်။ ဒါကြောင့် ဆရာသမားထံ တရားအားထုတ်တဲ့ ပုဂ္ဂိုလ်မှာ သုတနှင့်စပ်ပြီး စဉ်းစားစိစစ်စရာတောင် မလိုပါဘူး။ အကယ်၍စိစစ်ချင်သေးရင်လည်း ယခုဘုန်းကြီးပြောခဲ့တဲ့အတိုင်း စိစစ်ရုံပါပဲ။

အဲဒီလိုစိစစ်တော့ အကျဉ်းချုပ်အားဖြင့် ဆိုရင် ရုပ်နာမ်တရားအလုံးစုံသည် အနိစ္စ၊ဒုက္ခ၊ အနတ္တ သဘောချည်းပဲ လို့ ဒါလောက် ကြားဖူးရင် သုတပြည့်စုံနေကြောင်း သိရတယ်။ နောက်ပြီးတော့အဋ္ဌကထာမှာ ပြဆိုချက်အရဖြင့် ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဆိုတဲ့ ဒီသစ္စာလေးပါးကို ကြားနာဖူးရင် သုတ ပြည့်စုံကြောင်း သိရတယ်။ နောက်ပြီးတော့ ၀ိသုဒ္ဓိမဂ် မဟာဋီကာအရ ဆိုရင် အကြောင်းတရားနှင့် အကျိုးတရားမျှ ရှိတယ်ဆိုတာ ကြားနာဖူးရင် အကျဉ်းအားဖြင့် ပဋိစ္စသမုပ္ပါဒ်သုတနှင့် ပြည့်စုံကြောင်း သိရတယ်။ အဲဒီလို စောစောက မကြားဖူးသေးတောင်မှ တရားအားထုတ်ခါနီးမှာ ရုပ်နှင့်နာမ် ၂ ပါးမျှသာ ရှိကြောင်း၊ အကြောင်းနှင့် အကျိုး တရားမျှသာ ရှိကြောင်း၊ အဲဒီရုပ်နာမ်တွေဟာ ခဏမစဲ ဖြစ်ပျက်နေလို အနိစ္စ၊ ဒုက္ခ၊ အနတ္တချည်း ဖြစ်ကြောင်း၊ အဲဒီရုပ်နာမ် အကြောင်းအကျိုး အဖြစ်အပျက်အနိစ္စ၊ ဒုက္ခ၊ အနတ္တ သဘောတွေကို ကိုယ်ပိုင် ဥာဏ်ဖြင့် သိရအောင် ၀ိပဿနာ တရားကို အားထုတ်ရကြောင်း စသည်များကို ကမ္မဋ္ဌာန်းဆရာထံမှ ကြားရသဖြင့် သုတပြည့်စုံနိုင်ပါတယ်။ (သီလ၀န္တသုတ်တရားတော်)

စာရေးသူ-(အရှင်)သာမဏေကျော်