၂၁။ ။ မေး။ ။ဝမ်းဗိုက်ရဲ့ ဖောင်းမှု ပိန်မှုကို ရှုခြင်းဟာ ဘုရားအလိုတော်ကျ ဖြစ်ပါသလား။

ဖြေ။ ။ ၀မ်းဗိုက်၏ ဖောင်းခြင်း ပိန်ခြင်းသည် ၀ါယောဓာတ်လွန်ကဲသော ရုပ်အပေါင်း ဖြစ်သောကြောင့် ခန္ဓာအားဖြင့် ရူပက္ခန္ဓာ၌ အတွင်းဝင်၏။ အာယတနအားဖြင့်ဖောဋ္ဌဗ္ဗဓာတ်၌ အတွင်းဝင်၏။ ဓာတ်ကြီး ၄ ပါးတို့တွင် ၀ါယောဓာတ် ဖြစ်၏။ သစ္စာအားဖြင့် ဒုက္ခသစ္စာ၌ အတွင်းဝင်၏။ ဤရူပက္ခန္ဓာ၊ ဖောဋ္ဌဗ္ဗာယတန၊ ဖောဋ္ဌဗ္ဗဓာတ်၊ ၀ါယောဓာတ်၊ ဒုက္ခသစ္စာတို့သည် မုချ ၀ိပဿနာရှုအပ်သောတရား ရှုကောင်းသော တရားသာလျှင် ဖြစ်သည်။ မရှုကောင်းသော တရား မဟုတ်ပေ။ ထို့ကြောင့် ဖောင်းမှု ပိန်မှုကို အနိစ္စ၊ ဒုက္ခ၊ အနတ္တ ထင်မြင်အောင် ရှုခြင်းသည် ခန္ဓဒေသနာ၊ အာယတန ဒေသနာ စသော ထိုထို ဘုရားဟော ပါဠိတော်တို့ နှင့် ညီညွတ်၍ ဘုရားအလိုတော်ကျ ဖြစ်သည်သာလျှင်တည်း။ (သတိပဋ္ဌာနသုတ် နိသျှ)


၂၅။ မေး။ ။ ရှူရှိူက်လေ (အာနာပါန)ကို ရှုမှတ်ဖို့ ဘာကြောင့် မညွှန်ကြားပါသလဲ။

ဖြေ။ ။ မိမိ၏ သဘောအရဆိုရင်တော့ ရှူရှိုက်လေရုပ်ကို ရှုခြင်းဖြင့်လည်း ၀ါယောရုပ်နဲ့ ရှုသိနာမ်ကို သိပြီး ၀ိပဿနာဥာဏ်ဖြစ်သင့်တယ်လို့ပဲ သဘောကျပါတယ်။ ဒါပေမဲ့ ၀ိသုဒ္ဓိမဂ်၌ ကာယာနုပဿနာ (၁၄) ပိုင်းကို သမထကမ္မဋ္ဌာန်း၊ ၀ိပဿနာကမ္မဋ္ဌာန်းတို့ဖြင့် ခွဲခြားပြရာတွင် အာနာပါနကို သမထ ကမ္မဋ္ဌာန်းလို့သာ ပြထားတယ်။ ပြပုံကတော့

ဣရိယာ ပထပဗ္ဗံ စတုသမ္ပဇညပဗ္ဗံ ဓာတုမနသိကာရ ပဗ္ဗန္တိ ဣမာနိ တီဏိ ၀ိပဿနာဝသေန ၀ုတ္တာနိ။ ပ။ အာနာပါနပဗ္ဗံ ပန ပဋိကူလမနသိကာရပဗ္ဗဉ္စ ဣမာနေ ဝေတ္ထ ဒွေ သမာဓိဝသေန ၀ုတ္တာနိ။ (၀ိသုဒ္ဓိမဂ် ပထမတွဲ နှာ ၂၃၂)

ဣရိယာ ပထပဗ္ဗံ စတုသမ္ပဇညပဗ္ဗံ ဓာတုမနသိကာရ ပဗ္ဗန္တိ ၊ ဣရိယာပုတ် ၄ ပါးရှုပုံအတိုင်း သမ္ပဇဉ် ၄ ပါးဖြင့် ရှုပုံအပိုင်း၊ ဓာတ် ၄ ပါးနှလုံးသွင်းပုံ အပိုင်းဟူသော။ ဣမာနိ တီဏိ၊ ဤသုံးပိုင်းတို့ကို။ ၀ိပဿနာဝသေန၊ ၀ိပဿနာဘာဝနာ အလိုအားဖြင့်။ ၀ုတ္တာနိ၊ ဟောတော်မူအပ်ကုန်၏။ ပ။ ပန၊ ထိုမှတစ်ပါး၊ အာနာပါနပဗ္ဗံပဋကူလမနသိကာရ ပဗ္ဗဉ္စ၊ ရှူရှိုက်လေ ရှုပုံကိုပြသော အာနာပါနပိုင်းနှင့် ဆံပင် မွေးညင်းစသည်တို့ကို စက်ဆုပ်ဖွယ်ရှုပုံကို ပြသောအပိုင်းဟူသော ဣမာနေ၀ ဒွေ၊ ဤနှစ်ပိုင်းတို့ကို သာလျှင်။ ဧတ္ထ၊ ဤကာယနုပဿနာ ၁၄ ပိုင်းတို့တွင်။ သမာဓိဝသေန၊ သမာဓိဘာဝနာအလိုအားဖြင့်။ ၀ုတ္တာနိ၊ ဟောတော်မူအပ်ကုန်၏။

အထက်ပါ ၀ိသုဒ္ဓိမဂ်၌ အာနာပါနပိုင်းကို သမာဓိဘာဝနာ သမာဓိကမ္မဋ္ဌာန်းလို့ အတိအလင်း ပြဆိုထားတယ်။ အဲဒီတော့ ဘုန်းကြီးတို့က အာနာပါနကို ရှုဖို့ ညွှန်ကြားရင် မလိုလားတဲ့သူတွေက အထက်ပါ ၀ိသုဒ္ဓိမဂ်ကိုကိုင်ပြီး ဘုန်းကြီးတို့ ညွှန်ပြနေတာကို သမထကမ္မဋ္ဌာန်းပဲ၊ ၀ိပဿနာ မဟုတ်ဘူးလို့ စွပ်စွဲပယ်ဖျက်ကြမှာ သေချာပါတယ်။ ဘုန်းကြီးတို့ကလည်း အထက်ပါ ၀ိသုဒ္ဓိမဂ်ကို ပယ်ဖျက်ပြီး ၀ိပဿနာပါလို့ ဖြေရှင်းဖို့ မဖြစ်နိုင်ပါဘူး။ ဒါကြောင့် ဘုန်းကြီးတို့ကိုယ်တိုင်ကတော့ အာနာပါနကို ၀ိပဿနာအနေဖြင့် မညွှန်ကြားခြင်း ဖြစ်ပါတယ်။ ဒါပေမဲ့ အာနာပါနကိုသာ ရှုချင်ပါတယ် ဆိုတဲ့ သူတွေကိုတော့ သူတို့သဘောအတိုင်း ရှုဖို့ ခွင့်ြု့ပပါတယ်။ မတားမြစ်ပါဘူး။

နောက်တစ်ခုကတော့ အာနာပါနကို ရှုရင် နှာသီးဖျား တစ်နေရာတည်း၌သာ စူးစိုက်ပြီး ရှုရမယ်။ အတွင်းသို့ ၀င်လာသော လေကိုလည်း လိုက်မရှုရဘူးလို့ ပဋိသမ္ဘိဒါမဂ်နှင့် ၀ိသုဒ္ဓိမဂ်မှာ အတိအလင်း ပြဆိုထားတယ်။ အဲဒါဟာ အဲဒီကျမ်းဆရာတို့၏ ရည်ရွယ်ချက်အားဖြင့် ဥပစာရသမာဓိ၊ အပ္ပနာဈာန်သမာဓိရအောင် ရှုဖို့ ရည်ရွယ်ပြီး ပြဆိုတာပါပဲ။ ၀ိပဿနာဥာဏ်ဖြစ်အောင် ရှုရာမှာတော့ တစ်နေရာတည်းက ရုပ်ကိုသာ ရှုရမယ်လို့ အကန့်အသတ် မရှိပါဘူး။ ဒါပေမဲ့ အာနာပါနကို ရှုနေရင်း ကိုယ်ထဲမှာ ထင်ရှားပေါ်လာတဲ့ အတွေ့အထိ ရုပ်တွေကို လိုက်ရှုဖို့ ဘုန်းကြီးတို့က ညွှန်ကြားရင် စိတ်ကူး အကြားအမြင်တွေကို လည်း လိုက်ရှုဖို့ ညွှန်ကြားရင် အဲဒီ ပဋိသမ္ဘိဒါမဂ်၊ ၀ိသုဒ္ဓိမဂ်တို့နှင့် ဆန့်ကျင်တယ်၊ မှားတယ်လို့ အပြောအဆို အစွပ်အစွဲခံရဖို့ သေချာနေပါတယ်။ ဒါကြောင့် ဘုန်းကြီးတို့က အာနာပါနကို ၀ိပဿနာအနေဖြင့် ရှုဖို့ မညွှန်ကြားတာပါပဲ။ ဒါလောက်ဆိုရင် အာနာပါနကို ရှုဖို့ ဘာကြောင့် မညွှန်ကြားသလဲဆိုတဲ့ မေးခွန်း ပြေလည်လောက်ပါပြီ။ (မာလုကျပုတ္တသုတ်တရားတော်)

စာရေးသူ-အရှင်သာမဏေကျော်